相機圖像感應器負責接收從鏡頭進入嘅光線，並將其轉換為可供查看、分析或儲存嘅電訊號。最常遇到嘅兩種格式是「全片幅」和「APS-C」。兩種都各有支持者，但到底要點樣分點樣揀？上一次小編同大家講挑選鏡頭，今次就同大家分享下兩種片幅嘅分別，同埋升級做全片幅相機之前有咩因素要考慮。

APS-C相機特色

「APS-C」是「高級照片系統 C 型」的縮寫。其起源於 APS 膠片底片格式的 C（「經典」）格式，大細大概係 14.9 x 22.3mm。要留意APS-C 是「有剪裁的格式」，因為感光元件細左，只可以捕捉到整個取景嘅中間部分。拍攝時嘅「實際焦距」需要按廠商發佈嘅規格加乘。

全片幅相機特色

「全片幅」亦被稱為「35mm 全片幅」，其起源於被用於膠片相機嘅 35mm 膠片。所以感光元件嘅大細亦同菲林一樣，大概係 24 x 36mm。一般來說，感光元件越大，相片便會擁有更多細節，影像較清晰，拍出來的相片也會更有「立體感」同氣勢。


 

升級全片幅的考慮因素

考慮因素 #1：對相機和鏡頭尺寸的影響

當感光原件大咗，相機嘅體積同重量都會有相應增加，上面嘅對比圖相信都清楚顯示出差距。就算係Canon R8或者Nikon Z5呢類主打輕巧全片幅嘅機都一樣。

另一樣會大咗嘅就係鏡頭。全片幅圖像感應器需要一個比 APS-C 圖像感應器更大嘅圖像圓，令鏡頭內需要更大的玻璃元件，方可覆蓋整個感應器區域。結果就係重咗，同時都會有一升級就會要換一批鏡頭嘅情況。

考慮因素 #2：弱光和高 ISO 性能

圖像感應器的大小也會影響可能的像素大小，進而影響相機係光線不足環境嘅效能。在相同的光線條件下，更大嘅感光區域喺技術上允許收集更多光線。這增加了對光嘅敏感性，降低了訊號雜訊比，這有助於全片幅相機喺高 ISO 下減少圖像雜訊，以及更好的整體弱光自動對焦性能。

 

不過隨住技術進步，一部最新嘅APS-C相機雜訊隨時少過早幾年推出嘅低端全片幅相機，比較嘅時候最好都係用同期嘅相機啦。

考慮因素 #3：預算

雖然現在市面上全片幅相機越出越多，價錢亦有所回落，但整體而言全片幅機身都係比 APS-C 機身貴，而且鏡頭也必須全部更換 FF 格式，加上全片幅有質素嘅鏡頭價格可能比相機還貴，因此要一次過從 APS-C 升級到全片幅也是需要一定預算。