市面上鏡頭千百種，半新手想升級鏡頭嘅時候可能會覺得非常困惑。其實只要搞清楚唔同焦距嘅用途就可以輕易揾出最適合自己嘅鏡頭組合。Brilliant Channel為你整理左攻略，方便你立即投入攝影世界。

6種不同拍攝喜好下嘅最佳焦距

先講不同焦距會適合嘅拍攝對象，因為絕對會影響你係鏡頭種類上嘅決定。

若果你喜歡影人像

拍人像最好用嘅焦距係85mm，因為之要配合稍大嘅光圈就可以令景深變淺，人像突出於背景之中，影女就更有feel啦。對於APS-C格式的相機，焦距會有大約 1.5x 的加乘，因此要有85mm的焦距，使用50mm便可以 (50mm x 1.5 = 75mm)。

若果你喜歡街拍

喜歡街拍咁好用嘅焦距會係約50mm，尤其係定焦餅鏡，無咁顯眼先可以捕足到最佳嘅路人反應。定焦鏡除左體積細小和輕便，光圈值都有 f/1.8，可以於光線不足的環境下直接拍攝而不需閃光燈。加上50mm焦距同人眼目視距離相近，十分適合街拍之用。全片幅相機用 50mm，而APS-C 用 35mm。

若果你喜歡拍攝風景

對於風景攝影廣角夠闊先更易拍出場景氣勢。少於 24mm 等效焦距的鏡頭可以把更多的景色納入相片，若果利用利廣角的鏡頭如 16-35mm，更可以利用鏡頭變形的特點來顯得風景/建築物更宏偉，更具空間感。全片幅相機用 16-24mm，APS-C 用 12-16mm。

 

若果你喜歡影活動/演唱會

影舞台或者追星難免會同被攝體有一定距離，光線亦唔一定非常充足，仲要快門夠快。係咁嘅情況下，夠遠嘅焦距同光圈夠大就非常重要。70-200mm的長焦加上f/2.8的大光圈就好有用。一般而言，這種大光圈恆定光圈雖然鏡頭又大重，仲要比較貴，但質素很高，而且可以用好多年。所以中意呢類體材就入手一枝啦。

若果你喜歡影微距

有冇中意影花影小動物，或者日系微距嘅朋友?

 

無錯係可以利用平好多嘅「微距筒」，但若果你真心成日影微距，都係建議你入手一支真正的微距鏡啦。100mm焦距可以於稍遠的距離做到 1:1 的放大率，不用太過靠近被攝物。拍攝人像相片也很適合。

若果你喜歡影雀鳥

如果你係中意打雀嘅朋友，咁一枝好用嘅長焦都走唔甩架啦。對於 APS-C 格式的相機，70-200mm 的鏡頭可以提供 105-300mm 的焦距，但對於全片幅的相機便建議使用100-400mm 的長焦了。而為左構圖嘅靈活性，都係會比較推介用變焦鏡頭。