同閨蜜出遊打卡或者街拍，如果部相機太大會非常明顯又影響穿搭。想輕巧、不佔空間，又要功能夠強都唔係無選擇。除左手機，小編為大家挑選出4款各有長處嘅數碼相機同無反相機，咁就咩風格都可以搵到啱用嘅相機。

街拍王者: Ricoh GR III 28mm數碼相機

Y2K同街拍熱潮令Ricoh GR系列使用者急增，而不論GRIII定GRIIIx都絕對係街拍王者，詢問度極高。 GR III 採用重新開發的成像功能，採用 24.2MP APS-C CMOS 感測器和 GR Engine 6。出片顏色鮮艷平滑，配合 ISO 100-102400 採光就日夜都輕易拍出大片。自帶嘅 18.3 毫米 f/2.8 定焦鏡頭，其 35 毫米等效焦距係 28 毫米，廣角效果影城景就直接出片都可以充滿表現力。

 

Ricoh GR III 28mm數碼相機

文青復古感: Fujifilm X-T5 無反相機

文青們熱愛菲林相嘅質感，富士菲林獨特嘅調色亦都有一定吸引力。不過菲林相機始終布有一定消費同技術門檻，Fujifilm X-T5 無反相機就解決到呢個問題。不足500g嘅輕巧機身設計復古感極高，配合菲林模擬效果絕對係文青女子必備。加上當中全新AI技術協助對焦同調整白平衡等，新手都可以拍出專業作。

 

Fujifilm X-T5 無反相機

輕便CCD: Canon - IXUS 285 HS

Y2K熱潮加埋韓星，一眾CCD相機重回大眾視線。除左水漲船高嘅Ricoh GR，Canon IXUS都有唔少人用。285 HS作為系列入面最新作除左有CCD數碼相機嘅輕便同復古感，硬件都完全唔失禮。廣闊靈活嘅變焦範圍能夠輕易捕捉不同遠近到微距影像，省卻左無反相機要換鏡嘅麻煩。相機仲支援Wi-Fi/NFC無線連接作遙控拍攝，方便自拍亦可以隨時Share去social media，打卡就更及時。

 

Canon - IXUS 285

Vlog 愛好者: SONY ZV-1F Vlog 影像網誌相機

呢部20mm 等效焦距嘅隨身Vlog相機，即使喺入門用家都覺得簡單易用。相機本身配備便於自拍的 20 毫米2 超廣角鏡頭、機身手柄，以及錄影燈，加埋柔膚效果動同臉部優先嘅自動部光設定，就點拍都咁靚。仲設有帶防風罩嘅三指向性定向咪，可以清晰聲同時減少風噪。熟手啲仲可以善用散景開關同產品展示設定，輕鬆拍出更具視覺表現力嘅Vlog。

 

SONY ZV-1F Vlog 影像網誌相機