無反全片幅較為輕巧，如果係中意影景如小編嘅朋友應該都會有或者想收一部。係唔同嘅無反全片幅之中，Sony A7 IV 同 A7C II 係最近比較多人問嘅型號，亦係價格尚算接近嘅兩組kit set。今日就嚟睇下邊套好用啲同適合咩人。

Sony A7 IV 及 A7C II推出日期

Sony A7 IV係2021年10月推出，而Sony A7C II則係2023年8月19日推出。兩年嘅差距令兩者係硬件上雖無大不同，但A7C II嘅對焦能力就會略勝A7 IV。

Sony A7 IV 同 A7C II共同優點

兩者除左輕便之外仲有其他共同強項，例如面部對焦同眼部追焦，配合不限時長嘅影片拍攝或高速連拍(10fps 高速連拍可拍攝超過 800 張未壓縮的 RAW+JPEG)，就可以用於運動同賽車攝影。另外仲有縮時拍攝等功能，配合防塵防滴就有更大嘅拍攝彈性。雖然兩部為左縮細機體大細都無內置閃光燈，但可以用外置閃光燈解決，係光線充足嘅環境保留機動性。

Sony A7 IV優勝之處

A7 IV 係機件上會較 A7C II好，例如有更快嘅機械快門同防塵快門。對於專業攝影師就可以係更多場境進行拍攝，都唔怕相機會快門入塵。配合28-70mm kit鏡，一般場景應該都足夠用。如果中意手動對焦嘅朋友，呢套就常適合你。

Sony A7C II優勝之處

A7C II係自動追焦等功能上，比A7 IV多左汽車同昆蟲嘅自動追焦。配合本身作為進階機而非專業機嘅定位，就可以擴闊攝影有一段時間嘅朋友創作嘅空間，亦可以更專注係構圖等方面。係拍片方面亦有自動構圖功能，當被攝者移動就可以用AI自動重新構圖，令拍攝更輕鬆。