小編講左咁多次輕便相機但又成日都唔仲紹下可以打卡嘅地方咁，而今次小編就搵左六個可以俾你由9月尾一路打卡同享受生活到10月頭嘅展覽、市集、活動同打卡點推介俾大家。

今日開始就去得

除左Naked Flower，仲有兩個非常好打卡嘅節目，呢兩日都己經去得！

A.A.村上：浮游之境

由即日至2025年2月，呢個展覽都係M+舉行由兩個相互呼應嘅沉浸式裝置組成，在第一部分中，一個個霧環穿越空間進入數碼領域；另一部分則有浮於空中的氣泡雲在頭上緩緩飄盪。除左可以一邊睇一邊思考創作者想表達嘅哲理問題，仲可以一邊欣賞轉瞬即逝嘅美一邊打卡。

圖源及資料來源均為M+官網

日本秋祭in香港 @We Go MALL

由即日至10月19日，馬鞍山We Go MALL舉辦「日本秋祭in香港」認證中秋節活動 —「秋日鳥居千鶴花燈祭」。頂層空中花園搖身一變成沉浸式花燈祭主題空間，，超過400個燈籠構成逾40米全港最長天台七色鳥居花燈迴廊，迴廊中央設有發光彎月雲上宮攝影裝置，穿越迴廊後參拜十六夜4米巨型月兔，盡享具日本特色花燈盛匯。商場內亦會設置日式萌寵神社攝影區、千鶴繪馬及御神籤活動、人寵同樂、和服體驗及燈謎大會，顧客捐款後即可體驗。所有籌得的款項將撥捐愛協，支持待家動物的日常及醫療開支。

圖源及資料來源均為Timeable

9月尾開始有得睇

之後嘅週末又可以點過？除左去cafe放鬆下打上卡，仲可以去以下嘅活動。

陶輝：荒丘

文青嘅你可以下去係大館馬會藝方欣賞藝術家陶輝係香港嘅首個美術館個展。糅合繪畫、雕塑、錄像、聲音、裝置和佈景設計等元素，藝術家陶輝的個展帶領觀眾從北到南、從內陸到海岸、從城市到鄉村、從工業到自然，四處遊走。
 

除了多件最新委約的錄像裝置及雕塑作品外，展覽還涵蓋《辛苦》（2023）的亞洲首展，以及《四川到深圳》（2017）和《奔放》（2021）等近作。展期由9月26日至2025年2月2日
 

圖源及資料來源均為大館官網

幪面超人50週年紀念展

動漫特攝迷就必需要去由9月28至11月24日係Anima Tokyo舉行嘅幪面超人50週年紀念展。香港作為海外首站，展覽集結昭和、平成、令和三代嘅幪面超人，從幪面超人一號、V3、BLACK RX，到古迦、龍騎、電王、W，再到 ZERO-ONE、SABER與最新的 GEATS 及 GOTCHARD。

 

除咗 1:1 立像，仲會展出變身腰帶、電視劇道具及演員戲服等等，從各個角度呈現每個幪面超人嘅魅力。更設有全新設計的香港限定展區，滿足粉絲盡情投入超人角色的打卡位！除了參觀展覽，粉絲更可購買日本官方展覽商品及香港站特別版周邊。

圖源及資料來源均為incutix  

PMQ Coffee Agenda 2024

活動由9月21號嘅pre-heat開始，先有不同嘅新手活動。由玩味的咖啡特調品鑑開始，再到陶瓷咖啡品飲杯創作，親自發掘生活的趣味，打開精品咖啡世界嘅大門。

 

而重磅活動將於 10 月 10 日至 13 日登場，邀來 3 位世界級獲獎咖啡師與超過 20 個本地咖啡品牌親身駐場。一次過感受由香港遠自巴拿馬、也門的罕有風味，及土耳其等特色咖啡文化;各類拚配、品鑑及分享會以跨領域為主軸。今年更特設「Gen C」(Generation Coffee) 舞台，讓三位新生代本地得獎咖啡師連結大眾，展示實力，為未來開路。
 

有生活品味嘅你就一定要去參加啦。

圖源及資料來源均為pmq官網