早幾日公佈嘅富士發佈會X Sumit 係 東京CLAY Studio舉行，公開左一機兩鏡嘅相關情報。當中討論度較高嘅就係相隔十一年，X-M系列終都有新機出。Amazon 預售都基本斷晒嘅原因係邊?

作為X-M1嘅續作，同樣都係入門級嘅價錢(預售價美金799，約港元6000)。亦非常輕巧，拍埋X100VI到都細一截，機身淨重355克。不過佢雖然細但一啲都唔弱！


 

佢有X-T50嘅Film Dial同時有X-S20嘅Vlog程式(不同於一般錄影)，X-M5更有為Vlog 而設嘅全新UI(只在Vlog模式中使用)，Touch Screen就可以完成大部份設定方便拍攝。配合4K拍攝冋機頂嘅3個收音咪，拍出高質Vlog就更容易。配合同期推出嘅16-55mm F2.8鏡頭，效果就更好更靚。


 

如果想拍完快手放上Social Media，佢有直式16:9拍攝同較低畫輸出。配合埋可以直接USB線連落電話，稍作剪接就已經出得街。唯一美中不足係佢只有電子防震，但係用嘅時後就會crop左個畫面，好似小編咁易手震或者對防震有執著嘅朋友就要三思。

XF 16-55mm F2.8鏡頭

呢枝鏡嘅精準度高，反應亦都夠快，配埋大光圈令佢除左影相受一眾攝影師好評。對拍片亦都好有幫助，可以解決拍片期間嘅曝光問題。所以雖然少貴同重但以佢一枝可以做咁多樣野嚟講，都可以將幾枝鏡嘅budget俾落佢到嘅。

XF500mm F5.6鏡頭

呢一枝就更加適合中意影雀同飛機，或者運動攝影嘅人。500mm換算完實際可以去到762mm焦距，加埋5.6光圈，想點影問題都不大。